IN JOU MANDJIE

Geroosterde beesfilet

(bl. 128) Beesvleis was nooit my gunsteling nie, totdat ek beesfilet geproe het. Dis te danke aan my vriend Nicola wat nou ’n vooraanstaande sjef in Europa is. Ons het vroeër ’n woonstel in Bryanston gedeel en hy het graag beesfilet gemaak, maar dit nooit gedeel nie. Ek, aan die ander kant, is geleer dat mens altyd kos deel. Maar eendag het ek gesien hoe duur hierdie vleissnit eintlik is. Ek het dit uit nuuskierigheid gekoop en mediumgaar gemaak – die eerste hap was pure saligheid. genoeg vir 4-6

1,5 kg beesfilet 30 ml olyfolie 15 ml growwe seesout 10 ml varsgemaalde swartpeper 8 takkies roosmaryn 8 takkies tiemie 12 knoffelhuisies, fyngesny

1. Verhit ’n middelslagkastrol of groot pan wat in die oond kan gaan. 2. Verhit oond tot 180 °C. 3. Smeer filet met sagte botter vir ekstra smaak of los gewoon. 4. Vryf olyfolie, sout en peper oor vleis. 5. Verbruin vleis 5 minute per kant in die vuurwarm pan. 6. Bedek pan met foelie. 7. Verlaag oondtemperatuur tot 160 °C en plaas vleis in oond vir 1½ uur. 8. Haal uit oond en strooi roosmaryn, tiemie en knoffel oor die vleis. 9. Bedek weer met foelie en laat rus 15-20 minute voordat jy dit voorsit. Wenk vir voorsit Beesfilet is baie vullend. Hoewel almal die biefstuk-en-tjips-kombinasie ken, verkies die meeste mense ’n ligte, verfrissende bygereg soos ’n slaai in die somer of geroosterde groente in die winter. Maar waarom probeer jy nie iets nuuts soos my patats (bladsy 124 in die boek) nie – hulle is ’n wenner!

Mieliemeelbrood

(bl. 129) Hierdie brood is lekker op sy eie of met botter. Dit maak heerlike toebroodjies, en dit is ideaal om voor te sit saam met kerries en bredies. Of geniet vir ontbyt saam met ’n koppie tee. Dit hou tot ’n maand lank in die vrieskas. Moet egter nie die brood in die mikrogolfoond ontdooi nie. Haal dit eerder die vorige aand uit die vrieskas om by kamertemperatuur te ontdooi. genoeg vir 2 brode

500 ml koue water om in die oond te plaas tydens voorverhitting 30 ml suiker 400 ml warm water 15 g (1 sakkie) droë gis 2 ml heuning (opsioneel) 45 g botter, gesmelt 15 ml sout 750 g broodmeel 250 g mieliemeel ( maize meal)

1. Verhit oond tot 180 °C. Om brood beter te laat rys, tap koue water in ’n kastrol en plaas in die oond terwyl dit warm word. 2. Los suiker in warm water op in ’n groot bak en roer gis by. Die gis sal binne 5 minute begin werk. Voeg heuning by om die gis vinniger te aktiveer. 3. Voeg gesmelte botter en sout by, dan die broodmeel en mieliemeel en knie vir so 7 minute as jy ’n elektriese menger gebruik, of 10-11 minute as jy met die hand knie. Voeg nog water by as die deeg te klewerig is. 4. Bedek bak met kleefplastiek en laat rys vir 45 minute tot ’n uur op ’n warm plek. Jy kan die deeg in die oond ook laat rys, maak net seker dat die oond af is en nie warm nie. 5. Druk die deeg af en verdeel tussen twee gesmeerde broodpanne van 20 cm elk. Bedek en laat deeg weer rys tot dubbel die volume. 6. Bak vir 30 minute teen 180 °C. 7. Die bokant sal goudkleurig wees sodra dit gaar is. Keer die brood uit en hou toegedraai in ’n klam lap. Laat rus minstens 20 minute voordat jy die brood voorsit.

Mikrogolfgroente

(bl. 129) As kind het ek, soos die meeste kinders, groen groente in enige vorm of grootte gehaat. Veral as dit oorgaar was. En tog, is dit nie snaaks hoe groen blaargroente skielik gewild geraak het nie, selfs onder kinders as hulle geleer word om die krakerigheid daarvan te waardeer! genoeg vir 4-6

180 g langstingel-broccoli 100 g kort aspersies 150 g dun groenbone, puntjies afgesny 6 murgpampoentjies, in die lengte gehalveer mikrogroente of -kruie vir garnering gesmelte botter vir bedruip vars uitgedrukte suurlemoensap

1. Plaas al die groente in ’n vlak mikrogolfbestande bak. 2. Voeg net genoeg water by om die groente te bedek. 3. Maak bak toe met kleefplastiek. Steek met ’n skerp mes vier klein gaatjies in die kleefplastiek. 4. Plaas bak in mikrogolfoond en mikrogolf op hoog vir 3-4 minute. Die groente moet steeds heldergroen en effens krakerig wees. 5. Garneer met mikrogroente of -kruie en bedruip met gesmelte botter en laastens ’n bietjie vars suurlemoensap.

ons by 087 353 1300 (tolvry), of 021 065 0033 vir internasionale intekenpryse (08:00 tot 16:30)

Stuur ’n whatsapp na 087 353 1333 EN ONS KONTAK JOU

SUBS SARIE met jou besonderhede na 32361 (geen leestekens) EN ONS KONTAK JOU (’n Tarief van R1,50 per SMS geld. Gratis minute is n.v.t.)

Gebruik Nulaid se ekstragroot eiers vir posjeer. Hoe varser die eier, hoe makliker posjeer dit. Vanaf R18,99 vir 6 eiers

Vir ’n lekker sappige oondbraaihoender, gebruik Grain Field se plaashoenders, ’n 100% plaaslike produk uit die Vrystaat. Vanaf R80 by supermarkte landwyd

Vir die perfekte hoendermayobroodjie, geur dit met ’n draai of twee Royal Kalahari-sout. Koop die groot meul met 450 g sout landwyd vanaf R45