Ekstra romerig, ekstra lekker
Avokado’s, wat nou in seisoen is, kan jy enige tyd van die dag geniet. Dis veselryk, bevat hartvriendelike vette en het boonop minerale en antioksidante vir ’n gesonde immuunstelsel
Avokado-hoemoes op roosterbrood
Dié hoemoes gaan gou ’n gunsteling raak in jou huis. Sit dit voor as voorgereg of peuselkos. genoeg vir 8
4 avokado’s, geskil en ontpit 1 x 400 g-blik kekerertjies, gedreineer 45 ml tahini (sesamsmeer, kyk by winkel se gesondheidsrakke) 2 knoffelhuisies 1 rooi brandrissie sap en gerasperde skil van 3 suurlemoene sout en varsgemaalde swartpeper 100 g (110 ml) botter, gesmelt 1 ciabatta, in skywe gesny
Plaas avokado’s, kekerertjies, tahini, knoffel, brandrissie en sap en skil van suurlemoene in voedselverwerker. Pols by hoë spoed tot gladde, romerige mengsel. Geur goed met sout en peper. Verhit botter tot warm in braaipan en braai brood tot goudbruin en bros. Smeer met hoemoes en sit voor.