3 brekfisbroodjies

Begin jou oggend op ’n hoë noot met heerlike vullende broodjies propvol smaak en geur

Hoender-en-eier

broodjie

Gebruik gisteraand se oorskiethoender vir die lekkerte. Die kroon is die sagte eier bo-op!

genoeg vir 4

Vlok 1 gaar hoender se vleis van die been af. Meng gevlokte hoender, 125 ml mayonnaise,

1 hand vol gekapte vars koljander en sap en skil van 1 suurlemoen saam. Geur goed met sout en varsgemaalde

swartpeper. Halveer 1 ciabattabrood en smeer elke helfte met 45 ml sagte botter.

Verhit braaipan tot warm en braai brood met botterkant na onder tot goudbruin en bros. Haal uit en hou eenkant. Bring pot met water van so 3 cm diep

tot kookpunt en voeg 45 ml wit asyn by. Breek 6 eiers in die water en posjeer vir 3-4 minute. Lig uit water met gaatjieslepel. Skep hoender op gebraaide brood en smeer gelyk. Plaas

eiers bo-op en sit voor.

Sampioen-enspek-roosterbrood

As ek my wil verbeel ek eet restaurantkos, maak ek dié

brood. genoeg vir 4

Verhit 30 ml olyfolie tot warm in groot pot en voeg 250 g gesnyde sampioene by. Braai vir 8-10 minute. Voeg

250 ml aangesuurde room (crème fraîche) by en roer tot

gladde sous. Geur met sout en varsgemaalde swartpeper. Sny suurdeegbrood in snye so dik soos jy verkies, een per porsie. Smeer aan een kant met 60 ml sagte botter. Verhit braaipan tot warm. Braai eerste 250 g rugspek tot goudbruin aan weerskante, sowat 5-8 minute, en haal uit. Gebruik dieselfde pan en braai brood tot goudbruin. Plaas op dienbord. Smeer elke sny ruim met guacamole. Pak spek boop en skep sampioensous oor.

Sit voor. >