Ilse van der Merwe: Dié girl kan kook
Kosblogger en aanbieder van Via se Klankbord Ilse van der Merwe kan nou ook ’n eerste kookboek agter haar naam skryf. Met Cape Mediterranean: The Way We Love to Eat* kook sy nou éérs, en nie hóé nie, Kaap-Mediterreens. Sy vertel meer en deel 5 resepte
1 Wie is Ilse en waar kom sy vandaan? Ek is op Stellenbosch gebore, het hier skoolgegaan en ook graad gekry in verbruikerswetenskap (kleding en tekstiele). My pa het by die universiteit se stigting gewerk en my ma was ’n musiekonderwyseres en entrepreneur. Ek is die tweede oudste van vier kinders, so ons was altyd ’n groot gesin wat hou van eet en kosmaak! My ma het vir ’n tuisnywerheid gebak toe ons jonger was; sy is steeds bekend vir haar veerligte mosbolletjies.
2 Jy is alombekend vir jou blog, The Food Fox. Waar kom jy aan die naam en wat beteken dit? Voor ek begin blog het, was ek vir byna 10 jaar in die musiekbedryf as ’n besprekingsagent en feesorganiseerder. My agentskap se naam was Red Fox, so toe ek begin agterkom ek is liewer vir kos as enigiets anders, het ek ’n blog begin met die naam wat daaruit gevloei het. Kort daarna het ek my agentskap gesluit en voltyds met kos begin werk.
3 Was dit moeilik om die skuif van musiek na kos te maak? My loopbaan in die musiekbedryf was vol avontuur en ek sal altyd daarop terugkyk as ’n wonderlike tyd in my lewe. Tog het ek op 32-jarige ouderdom besef dis nie wat ek vir altyd wou doen nie, en my grootste passie was nog altyd kos. Ek moes ’n manier vind om sonder formele opleiding by die kosbedryf in te kom. My blog het my gehelp om die bedryf te leer ken, om kreatief te wees en hopelik nuwe geleenthede te vind waaruit ek ’n inkomste kon verdien. Dit was rof aan die begin, maar ek het deurgedruk!
4 Ek is ’n groot aanhanger van Klankbord, die program wat jy deesdae op Via (DStv-kanaal 147) aanbied. Dis vars, uniek en anders. Hoe het die konsep ontstaan? Toe ek besluit het om ’n blog te begin, was my hoofdoelwit om op die ou end ’n TV-program van my eie aan te bied. Ek het met verskeie konsepte gespeel, maar dit het my agt jaar geneem voor ek die idee vir Klankbord gekry het. Dit was ’n natuurlike uitvloeisel van my dualistiese lewe van musiek en kos (ek is met ’n musikant getroud ook). Carien Loubser [’n vriendin] het die konsep saam met my verfyn, en toe kry ons uiteindelik ’n “ja” van Via.
5 As Ilse ’n liedjie was, hoe sal sy klink, wat is haar beat? Sjoe, moeilike vraag! Ek dink ek is ’n bietjie meer rock ‘n’ roll as folk, maar nie te wild nie. Iets met ’n dieper betekenis en ’n sterk mood, maar met ’n stewige backbone van baskitaar. Dalk iets soos “Be Yourself” van Audioslave (Chris Cornell). 8 Waarom dink jy raak ons so emosioneel oor kos en musiek?
Ek het al baie daaroor nagedink en is steeds nie 100% seker wat die antwoord is nie. Tydens die verfilming van Klankbord het ek besef ek het ’n ongelooflik sterk emosionele trigger wat musiek soos ’n tsoenami. betref – ek Wanneer kan dit nie jy dus afskakel binne nie. daardie Dit spoel “stemming” oor my iets dit ’n eet, ervaring ruik, voel, wat proe jou oorweldig en al jou sintuie en jou bybly. betrokke Mense maak, moet is dit gerus meer probeer! 7 Wat kan ons verwag as ons jou eerste kookboek, Cape Mediterranean: The Way We Love to Eat, oopslaan?
Dis ’n versameling resepte waarmee jy maklik tuis kan onthaal op ’n informele manier – toeganklike, smullekker, onopgesmukte maar mooi kos. Omdat ek so lief is vir Mediterreense kos, het ek besef die Wes-Kaap het soveel produsente van Mediterreense bestanddele dat ons eintlik ons eie klein mikro-Mediterreense streek hier beet het, sonder om ’n tree te reis.
8 Waar kom jou liefde vir Mediterreense kos vandaan? Dis net iets waarna ek natuurlik hunker – ek het nog nie baie gereis nie, maar al die boeke en artikels wat ek aanlyn oor Mediterreense kos gelees het, het my geboei. Dit resoneer met my! Ek hou spesifiek van die eenvoud en dat vars bestanddele die hoofspelers is.
9 Jou hoofmedium is digitaalgedrewe, maar laat papier jou hart so ’n bietjie anders klop? Ek was van kleins af verlief op papier en ink – en net so lief vir kuns en skryf. Hierdie gekombineerde liefde het gelei tot die blog waarin ek kreatief kan wees in albei. Maar om ’n regte, egte boek met ’n reuk en ’n tekstuur te kan vashou en jou handewerk te kan deurblaai is ongeëwenaar. Niks kom daarby nie!
10Wat van ons land beïnvloed jou manier van ko ok? Wat is die magic wat jy nêrens anders kry nie? Ek word ongelooflik geïnspireer deur die gehalte en diversiteit van ons plaaslike vars bestanddele en kleiner produsente – kaas en alle suiwel, groente en vrugte, vleis, charcuterie, brood . . . die Wes-Kaap is ’n wêreldklas-skatkis vir mense wat lief is vir eet en kosmaak.
11 As ek net een resep uit jou boek maak, watter een moet dit wees en hoekom? Dis die moeilikste vraag nog! Haha, dis soos om een van jou kinders voor te trek. As ek móét kies, is dit dalk een van die eenvoudigste en mees klassieke Mediterreense resepte in die boek, gemaak met plaaslike bestanddele: capreseslaai met ryp tamaties, vars buffelmozzarella uit Wellington, daai wonderlike verouderde balsemasyn van Rozendal en ’n ordentlike skeut van die lekkerste ekstrasuiwer plaaslike olyfolie. Hemel op ’n bord.