WILMA VAN DER BIJL

Mej. SA 1987

Sakevrou en borskankeraktivis

Wat maak SA so uniek?

Ons mense, ons natuurskoon en ons uithouvermoë. Ons kan aanpas by alles. Ons is ’n uiteenlopende nasie, ek kan dit vir niks verruil nie.

Het jy nog moed vir ons land?

Altyd! Ons kan berge versit.

Wat is jou gunstelingdorp in SA?

Oudtshoorn. Ek het daar grootgeword. Dis ’n pragtige rit, of jy nou die Tuinroete omry of die R62 vat. Daar is soveel toeriste-aantreklikhede, dink maar net aan die Kangogrotte, die volstruisplase, natuurskoon en Swartberge. En as jy daar is, kan jy maklik George toe ook oor die Outeniquapas. Daar’s net iets spesiaals daaraan.

Hoe voel jy oor Afrikaans?

Ek is verskriklik lief vir Afrikaans. ’n Mens kan min dinge so goed sê soos in Afrikaans. Daar is sekere grappe wat jy net kan vertel in Afrikaans en gesegdes wat net werk in Afrikaans. Dis ’n wonderlik beskrywende taal!

Wat maak jou opgewonde?

Om elke oggend op te staan, om gesond te wees en my kinders en man te kan sien.

Jy het al soveel bereik, is al deur so baie en het boonop ’n suksesvolle besigheid. Hoe definieer jy jou sukses?

Ek dink nie aan myself as suksesvol nie. Dis ’n lewensreis en ek is net dankbaar vir wat ek het. Vir my het sukses nooit ’n eindpunt nie. Daar is doelwitte en as jy een bereik, is daar altyd nog een om na te streef. So dis altyd ’n groeiproses.

Gesegde waarvolgens jy leef . . .

Live in the moment and be appreciative.

Wat is vir jou lekker van ’n laatontbyt?

Dat jy omtrent twee maaltye in een kan eet.

Wat is altyd op jou spyskaart?

’n Klomp goed: eiers, wors, sampioene, konfyt, kouevleise, lekker tamaties, kappertjiesaad en heerlike varsgebakte brood. Ook olywe, fetakaas, quiche, kase en vrugte soos pynappel en druiwe. Ag, sommer alles.

En die blomme op jou tafel?

Bloeisels, as ek dit in die hande kan kry. Of tulpe, rose, laventel of wit lelies.

LANGSTINGEL-BROCCOLI MET

POMELO-HOLLANDAISE