Hier is die onderwerpe van die 13 klasse
KLAS 1 JOU MES
Die beginpunt van lekker kosmaak – die regte mes, reg gebruik, reg opgepas.
KLAS 2 EIERS
Die beginsels en baie maniere om skrophoenders se eiers, sjefs se lieflingbestanddeel, te benut.
KLAS 3 AFTREKSELS EN SOUSE
Bemeester die basis van ’n goeie sous, jou sleutel tot diep, ryk geure.
KLAS 4 SEEKOS EN VIS
Kies volhoubaar by die vistoonbank en berei dit soos ’n gesoute sjef.
KLAS 5 HOENDER
Skrop- of hokhoender? Kies, sny, ontbeen en rooster die trots van die Sondagtafel só.
KLAS 6 LAMSVLEIS
Blad of boud, aan die been of gerol, Karoo of Kalahari, lamsvleis is weelde van die veld.
KLAS 7 SPESERYE EN KERRIE
Leer ken jou “innerlike” spesery, meng self masala en ontdek die geurgeheime van ’n goeie kerrie.
KLAS 8 AARTAPPEL
’n Paar slim sjefstruuks later en jy voer die nederige aartappel tot bistroperfeksie.
KLAS 9 PASTA
Ravioli! Tagliatelle! Laat jou pastageregte en -souse met groot handgebare praat.
KLAS 10 BROSKORS – SOET EN SOUT
Elementêre bestanddele en basiese tegnieke lewer die veelsydigste korsdeeg vir soet en sout.
KLAS 11 SJOKOLADE
Onweerstaanbare sjokolade. Smelt, smeer en temper dit soos ’n chocolatier.
KLAS 12 BLAARDEEG
Bemeester die omtowering van lagies botter en meel tot pronkerige, uitgepofte korsdeeg.
KLAS 13 CHOUXDEEG
Oe-la-la. Die misterie en moontlikhede van Parys se pofferigste fyngebak onthul.