Ons sê dankie vir die klassieke kostreffers
Coq au Vin is hartlike elegansie op ’n bord. En met al die bestanddele gerieflik beskikbaar by jou naaste SPAR, insluitend jou SPAR Freshline-gunstelinge, kan dit nie makliker wees om hierdie klassieke Franse gereg voor te sit nie.
Hoekom nog wag, probeer dit!
BESTANDDELE
• 2 eetlepels olyfolie
• 12 SPAR Selecthoenderstukke (dye en boudjies) met vel aan
• sout en varsgemaalde swartpeper na smaak
• 1 SPAR Freshline-ui, fyngekap
• 1 SPAR Freshlineknoffelhuisie, fyngedruk
• 250 g SPAR Freshlinesampioene, gesny
• 250 ml Olive Brook Chenin Blanc-wyn
• 250 ml warm hoenderaftreksel
• 250 ml room
• SPAR Freshline- Italiaanse (platblaar) pietersielie, gekap, vir voorsit
METODE
Verhit 1 eetlepel olyfolie in ’n groot pan, geur hoenderstukke met sout en peper en verbruin alkant in die warm olie. Skep hoender uit pan en plaas in skoon bak. Hou eenkant. Verhit res van olyfolie in dieselfde pan. Voeg uie by en braai oor lae hitte tot deurskynend, sowat 7 minute. Voeg knoffel by en kook vir 1 minuut. Plaas in dieselfde bak as die hoender.
Verbruin nou sampioene oor matige hitte in dieselfde pan, sowat 4 minute. Skep hoender, uie en knoffel terug in pan, voeg wyn by en bring tot kookpunt. Voeg warm aftreksel by, verlaag hitte en laat prut vir 40 minute. Voeg room by en laat prut verder vir 5 minute. Rond af met gekapte pietersielie en sit voor met krakerige Freshlineciabattabrood. Bon
appétit!