Kaaswafels met sagte eiers en chorizo (p)
Begin jou dag op ’n ekstrahoë noot met Nulaid. Hierdie kombinasie sal enige gas laat vergeet om haastig te wees. Dis nuut, anders en vullend
Kaaswafels met sagte eiers en chorizo
Jy kan ook die kaas in die wafels vervang met pitmielies. genoe gvir6
280 g (500 ml) meel
3 ml sout
20 g (30 ml) suiker
20 ml bakpoeier
2 ekstragroot Nulaid-eiers
440 ml melk
60 ml botter, gesmelt
250 ml gerasperde beleë cheddarkaas
15 ml olyfolie
1 x 225 g-chorizowors, in skywe gesny 45 ml witwynasyn
12 ekstragroot Nulaid-eiers
250 ml-houer gladde maaskaas gerasperde parmesaankaas vir voorsit
Sif meel, sout, suiker en bakpoeier saam. Klits 2 eiers, melk en botter saam. Meng droë bestanddele by eiermengsel in. Voeg cheddarkaas by en meng deur. Laat rus beslag vir 15 minute in yskas. Verhit ’n wafelpan.
Skep so 100 ml van die beslag in middel van pan en braai tot bros en gaar. Hou gaar wafels warm in louoond terwyl jy res braai. Verhit braaipan oor hoë hitte tot warm en voeg olyfolie by. Braai chorizo vir 2-3 minute of tot bros. Hou warm eenkant. Bring pot met water sowat 3 cm diep tot kookpunt en voeg asyn by. Verlaag hitte tot water stadig prut. Breek 12 eiers in water en posjeer vir so 2-3 minute vir sagte eiers, of langer vir harder eiers. Plaas warm wafels op dienborde. Smeer lepels vol maaskaas oor, skep chorizo op en plaas 2 eiers bo-op elk. Sit voor met parmesaankaas.
• Vars eiers is goed vir kook • Vars eiers is goed vir jou brein • Vars eiers is beter vir bak • Vars eiers is goed vir jou gesondheid