Ontbytterrien (p)
Hoe dikwels hoor ons ontbyt is die beste begin van ’n dag. En dié manier van polenta voorsit, nes in Italië, gaan jou nog meer laat uitsien
na die volgende een. Saam met GLAD
kan jy maar weet
dit gaan kleefvry en maklik wees Ontbytterrien
genoeg vir 6-8
500 g kersietamaties, gehalveer 4 knoffelhuisies, gekap hand vol vars tiemieblare, gekap 250 g spekblokkies
60 ml olyfolie sout en varsgemaalde swartpeper 2 liter melk
80 ml botter
500 ml droë polenta roomkaas en parmesaan vir voorsit slaaiblare van jou keuse vir voorsit
Verhit oond tot 180 °C. Voer oondroosterplaat uit met GLAD-bakpapier (foto 1). Sprei tamaties, knoffel, tiemie en spek op bakplaat uit en sprinkel olyfolie oor. Geur met sout en peper. Rooster vir 15-20 minute in warm oond of tot tamaties en spek begin verbruin. Haal uit oond en laat afkoel. Voer ’n broodpan van 30 x 12 cm met GLAD-kleefplastiek uit (foto 2). Bring melk en botter tot kookpunt in middelslagpot. Roer polenta met ’n draadklitser by en hou aan roer tot mengsel begin verdik. Laat kook vir sowat 10-12 minute tot gaar. (Die polenta is gaar sodra dit begin wegtrek 1 van die pot se rand af.) Voeg geroosterde tamaties en spek by en meng deur. Skep in broodpan en smeer gelyk. Geur goed met sout en peper. Laat stol in die yskas. Keer uit op ’n houtbord en sny in porsies. Sit voor met skeppies roomkaas, gerasperde parmesaan en slaaiblare van jou keuse.