Mango-en-pekanneutterrien

(bl. 55) Terrien is lekker vir peuselkuiers. Dit kan boonop tot 7 dae in jou yskas hou sodat jy dit vooraf kan maak. genoeg vir 6-8

400 g strepiespek

1 ui, fyngekap

2 knoffelhuisies, fyngekap

125 ml rooiwyn

60 ml brandewyn

2 x 250 g-houers hoenderlewers 600 g varkmaalvleis

250 g kasslertjops, in blokkies gesny 100 g pekanneute, grofgekap 100 g droë mango, fyngekap sout en varsgemaalde swartpeper basiliepesto vir voorsit agurkies vir voorsit

Verhit oond tot 180 °C. Voer ’n 35 x 10 cm-broodpan eers met kleefplastiek uit en dan in die breedte met repies spekvleis. Hou enige oorblywende repies eenkant. Plaas uie, knoffel, rooiwyn en brandewyn in klein pot en bring tot kookpunt. Kook vir 3 minute of tot mengsel met helfte verminder het. Plaas res van bestanddele, behalwe pekanneute en mango, in ’n voedselverwerker. Pols by hoë spoed. Gooi wynmengsel by terwyl menger loop en hou aan verwerk tot ’n gladde mengsel. Geur goed met sout en peper. Meng neute en mango met ’n lepel in en skep mengsel in voorbereide broodpan. As daar spek oorgebly het, pak dit bo-op. Bedek pan met foelie en plaas in oondbak. Vul oondbak met genoeg warm water sodat pan halfpad in water staan. Plaas in warm oond en bak vir 60 minute. Haal uit oond en laat terrien in waterbad afkoel. Laat broodpan met terrien oornag in yskas staan. Keer uit op dienbord en sit voor met basiliepesto en agurkies.