Gebraaide gebarste aartappels met knoffel en roosmaryn
(bl. 139) Hierdie goue klontjies is heeltemal verslawend. genoeg vir 6
GEROOSTERDE AARTAPPELS
■ 2 kg ferm aartappels
■ 5 ml (1 teelepel) sout
■ 2 knoffelbolle, geskil maar huisies heel gelaat (kleiner huisies is beter)
■ 250 ml ekstrasuiwer olyfolie van goeie gehalte (of kanola-olie) ■ sout en varsgemaalde swartpeper
■ 3 takkies vars roosmaryn, houtagtige stingels verwyder en blare fyngekap
JOGURT-MAYONNAISE-DOOPSOUS
■ 125 ml ( koppie) ongegeurde dubbeldik jogurt
■ 125 ml ( koppie) mayonnaise
■ 15 ml (1 eetlepel) korrelmosterd
■ 15 ml (1 eetlepel) heuning
Plaas die aartappels in ’n groot pot en bedek met koue water. Voeg die sout by en bring oor hoë hitte tot kookpunt. Kook vir 12-14 minute tot net sag. Verhit die oond tot 220 °C. Dreineer die kookwater en plaas die aartappels in ’n groot, diep roosterbak. Gebruik die agterkant van ’n eetlepel om elke aartappel liggies te kraak – pas net genoeg druk toe om die aartappels heel te laat, maar met lekker barste in om die olie en geurmiddels te absorbeer. Voeg die knoffelhuisies by, bedruip oraloor met olyfolie en geur goed met sout en peper. Braai vir 15 minute voor jy die aartappels met ’n kombuistang omdraai. Strooi die roosmaryn oor en braai nog 10-15 minute tot die aartappels alkant goudbruin is (hou dit langer in die oond indien nodig). Maak die mayonnaise doopsous terwyl die aartappels in die oond is. Plaas al die bestanddele in ’n klein mengbak en meng goed. Skep in ’n bakkie en sit in die yskas tot benodig. Haal die aartappels uit die oond en skep in ’n dienbak met ’n gaatjieslepel (verwyder die oortollige olie). Sit warm voor saam met die jogurt-mayonnaise-doopsous.