Maklike gnocchi
(bl. 107) Tuisgemaakte gnocchi maak my altyd gelukkig. Dié kortpadmanier gaan jou ook laat glimlag.
420 g (750 ml) koekmeel, plus ekstra vir uitrol
3 eiers
1 kg-sak bevrore kapokaartappel, ontdooi
sout en varsgemaalde swartpeper 45 ml olyfolie
1 ui, fyngekap
2 knoffelhuisies, fyngekap
100 g spekblokkies
400 g gemengde sampioene, gehalveer
4 takkies tiemie, fyngekap 250 ml-houer room
1 hand vol basiliekruid, grofgekap 50 g parmesaankaas, fyngerasper
Voeg meel en eiers by kapokaartappel en meng tot ’n hanteerbare deeg. Voeg nog meel by indien deeg te klewerig is. Geur goed met sout en peper. Verdeel deeg in vier gelyke dele en sprinkel meel op werkvlak. Gebruik jou vingerpunte en rol deeg in lang silinders, sowat 2 cm dik. Sny gerolde deeg in 2 cm lange gnocchi en hou eenkant. Maak nou eers die sous: Verhit olyfolie tot goed warm in groot pan. Voeg uie, knoffel en spek by. Roerbraai vir sowat 5-8 minute of tot uie begin verbruin. Voeg sampioene en tiemie by en braai nog 5 minute of tot sampioene gaar is. Voeg room by en verlaag hitte tot ’n vinnige prut. Laat 5 minute prut of tot sous lekker romerig is. Terwyl sous prut, bring ’n pot water tot kookpunt. Gooi gnocchi in kookwater en laat vir 8-10 minute kook of tot dit na die oppervlak van die water dryf. Dreineer. Voeg gnocchi by roomsous en meng deur. Voeg basiliekruid en parmesaan by en roer deur. Geur goed met sout en peper. Sit warm voor.
DIE KORTPAD 9 KAPOKAARTAPPEL
Kapokaartappel is ’n heerlike bederf, maar vra nogal tyd om te maak. So koop Woolworths se bevrore kapokaartappel en jy kan binne minute iets daarmee optower. R64,99 vir ’n 1 kg-sak
ERRIEDA DU TOIT WILLEM LOURENS
CHARNIE PIATER