Melktert-snackles
(bl. 38) My ma het ’n tuisbedryf op Upington gehad en my pa se werk was om die snackledoppies te bak.
My arme pa het elke minuut daarvan gehaat, maar dit gedoen omdat dit my studies help betaal het. Soek snackleysters by aanlyn kombuiswinkels of tweedehandswinkels. genoeg vir 24-26
DEEGDOPPIES
140 g (250 ml) koekmeel 250 ml melk
30 ml strooisuiker
5 ml vanieljegeursel
2 eiers sonneblomolie vir diepbraai
MELKTERTPAP
30 ml koekmeel
45 ml mielieblom
2 eiers, geskei
1 vanieljepeul, oopgesny en saadjies uitgekrap
65 g (80 ml) suiker
750 ml melk
25 g botter
10 ml fyn kaneel
Deegdoppies Maak ’n gladde beslag aan van die meel, melk, strooisuiker, vanieljegeursel en eiers. Verhit olie tot warm. Plaas snackle-yster vir so 30 sekondes in die warm olie en doop in beslag. Druk weer in die olie en braai vir 1-2 minute of tot goudbruin. Druk doppies met paletmes van yster af op kombuispapier. Herhaal tot beslag op is. Laat afkoel. Vulsel Meng meel, mielieblom, eiergele en vanieljesaadjies in groot mengbak. Voeg suiker by en klits tot goed gemeng. Voeg melk by en meng tot glad. Giet mengsel deur sif in skoon pot. Voeg botter by en roer met draadklitser oor lae hitte tot botter gesmelt het. Verhoog hitte en hou aan roer tot mengsel verdik en gaar is, so 8-10 minute. Verwyder van hitte. Klits eierwitte tot sagte punte vorm en vou dit vinnig by die warm mengsel in. Plaas terug op warm plaat en roer tot mengsel verder verdik en gaar is, so 5 minute. Laat effens afkoel tot louwarm. Roer deur en skep mengsel in spuitsak met stertuit. Spuit melktertvla in doppies en sif kaneel oor. Sit voor.