Baklava-sigare
(bl. 139) Hierdie luukse fillorolletjies is geïnspireer deur Turkse gebak. maak 18
STROOP
■ 400 g (2 koppies) witsuiker
■ 500 ml (2 koppies) water
■ 30 ml (2 eetlepels) heuning
■ 2 heel naeltjies skil van suurlemoen
Bring al die bestanddele vir die stroop in ’n klein pot tot kookpunt en kook vinnig vir 5 minute. Verwyder van die hitte en sit eenkant.
FILLO-SIGARE
■ 100 g rou amandels
■ 100 g okkerneute fyngerasperde skil van
■ 1 suurlemoen
■ fyngerasperde skil van
■ 1 lemoen
■ 5 ml (1 teelepel) fyn kaneel
■ 60 ml ( koppie) versiersuiker
■ 1 ml ( teelepel) sout
■ 1 ekstragroot eierwit
■ 2,5 ml ( teelepel) amandelgeursel
■ 6 velle fillodeeg
■ omtrent 80 ml ( koppie) kanola-olie
■ 30 ml (2 eetlepels) gepelde pistasieneute, fyngekap (opsioneel)
Vir die fillo-sigare, plaas die amandels en okkerneute in ’n voedselverwerker en verwerk tot fyn (nie té fyn nie, jy wil nie ’n neutbotter maak nie). Voeg die gerasperde sitrusskil, kaneel, versiersuiker, sout, eierwit en amandelgeursel by en verwerk tot ’n smeer. Verdeel in ses en rol in silinders van sowat 1,5 cm dik en 21 cm lank. Verhit die oond tot 200 °C. Werk met een fillovel (21 x 34 cm) op ’n slag op ’n groot werkvlak, verf met olie en plaas ’n neutsilinder aan die een kort kant. Rol dit netjies op en sny in gelyke dele van sowat 7 cm elk. Plaas styf teen mekaar op ’n bakplaat wat met kleefwerende kossproei gespuit is en bak vir 18-20 minute of tot goudbruin. Verhit weer die stroop effens terwyl die sigare bak. Haal die sigare uit die oond en giet die warm stroop oor. Laat dit afkoel op die bakplaat. Haal die afgekoelde sigare uit die stroop, strooi fyngekapte pistasieneute oor en sit voor.