Lam-en-aartappelpastei in fillo

(bl. 56) Hierdie is my vleiserige weergawe van ’n gereg van die Turkse restaurant Anatoli in die Kaap. Ek het destyds in my TV-reeks Inspirasiekos met SARIE hul fillo-en-cheddaraartappelpastei vir ’n aartappelboer in die Noord-Kaap gemaak. Sy woorde was dit kort net ’n bietjie vleis, so hier is hy nou. genoeg vir 8-10 45 ml olyfolie

300 g lamsmaalvleis

1 takkie roosmaryn, baie fyn gekap 4 groot aartappels, geskil

300 g sterk cheddarkaas, gerasper 2 eiers, geklits

60 ml gekapte pietersielie

’n knypie cayennepeper, of na smaak sout en varsgemaalde swartpeper

6 velle fillodeeg

50 ml gesmelte botter sowat 150 ml kanola- of sonneblomolie vir vlakbraai 225 g chorizowors, in skywe gesny rooi pesto vir voorsit tzatziki vir voorsit

Verhit olyfolie tot warm in braaipan. Voeg maalvleis en roosmaryn by en roerbraai tot korreltekstuur, sowat 5-8 minute. Hou eenkant. Kook aartappels tot sag en druk fyn met aartappeldrukker. Voeg gebraaide maalvleis, kaas, eiers en pietersielie by aartappel en meng. Geur met cayennepeper, sout en swartpeper. Plaas een vel fillodeeg op werkvlak en smeer met gesmelte botter. Plaas ’n tweede vel deeg bo-op en smeer weer met gesmelte botter. Herhaal met ’n derde vel. Skep helfte van maalvleisvulsel sowat 5 cm van deegrand in ’n lang wors op deeg. Vou deeg oor vulsel. Vou deeg aan kante oor vulsel en rol op. Herhaal met orige deeg en vulsel. Maak toe met kleefplastiek en laat koud word in yskas. Sny koue deegrolle in skywe van sowat 3 cm. Verhit kanola-olie tot warm in pan, voeg chorizo by en braai filloskywe weerskante saam met chorizo vir sowat 3 minute. Dreineer skywe op kombuispapier. Sit voor met gebraaide chorizo, pesto en tzatziki.