Lamsblad met Afrikageure

(bl. 56) Ek gebruik graag harissa. Dis ’n maklike manier om gou ekstra geur aan kos te gee en werk net so lekker saam met lam. Sit die blad op sy eie voor of saam met die dhal vir ’n alles-in-een feesmaal. genoeg vir 8

2 uie, in skywe gesny 1 knoffelbol, oorlangs gehalveer

1,5 kg lamsblad aan die been 410 g-blik tamatiepuree 410 g-blik gekapte tamaties 60 ml harissasmeer

30 ml heel vinkelsaad

20 ml heel komynsaad 500 ml beesaftreksel sout en varsgemaalde swartpeper

DHAL

45 ml olyfolie

30 ml botter

15 ml heel komynsaad

6 droë of vars kerrieblare

1 ui, fyngekap

1 brandrissie, fyngekap

410 g-blik gekapte tamaties 360 g (400 ml) droë geel lensies 25 ml borrie

2 wortels, geskil en gerasper 2 liter water >

Verhit oond tot 200 °C. Pak uie en knoffelhelftes in oondroosterbak. Plaas lamsblad met vetkant na bo op uie. Maak met ’n skerp mes diep kepe so 1 cm uit mekaar in die vet. Meng tamatiepuree, gekapte tamaties, harissa, vinkel, komyn en aftreksel saam. Geur vleis met sout en peper en gooi tamatiemengsel oor vleis. Maak oondroosterbak met deksel of foelie toe. Rooster vir 2 uur. Terwyl lam rooster, maak dhal: Verhit drukkoker oor hoë hitte tot warm. Voeg olyfolie en botter by. Roerbraai komyn, kerrieblare, uie en rissie 3-5 minute of tot geurig. Voeg tamaties, lensies, borrie en wortels by. Meng deur en gooi water by. Maak pot toe en bring tot volstoom. Stoom vir 30 minute. Maak lam se bak oop en rooster nog 30 minute oop of tot goudbruin. Skep dhal op dienbord en plaas lam bo-op. Skep pansous oor en sit voor.