Kampvuur-kerrie met roti-stokbrood
(bl. 17) Daar is min dinge wat so lekker warm maak soos kerrie by die vuur. Ek gebruik die roti-tegniek en rol baie botter in die deeg in om die stokbrood te maak. Dis hemels! genoegvir6
KERRIE
45 ml olyfolie
1 ui, fyngekap
2 knoffelhuisies, fyngekap
30 ml geroosterde masala
30 ml komynsaad
20 ml vinkelsaad
20 ml fyn koljander
400 ml-blik klappermelk
400 g-blik tamatiepuree 24 ontbeende hoenderdye sout en varsgemaalde swartpeper 410 g-blik botterbone, gedreineer hand vol vars koljanderblare, fyngekap
ROTI-STOKBROOD
250 ml water
90 ml olyfolie
5 ml sout
460 g (1 000 ml) koekmeel, plus ekstra vir uitrol
115 g (125 ml) botter, gesmelt 12 stokke vir braai
Kry kole mediumwarm – jy gaan dit heeltyd moet aanvul soos die kos gaar word. Verhit olyfolie in ’n swaarboomkastrol oor warm kole tot warm. Voeg uie en knoffel by en roerbraai 2 minute. Voeg speserye by en roerbraai 5 minute – gooi ’n bietjie water by as dit lyk of die speserye gaan brand. Voeg klappermelk en tamatiepuree by. Verhit tot kookpunt en plaas hoender in die sous. Geur goed met sout en peper. Laat prut bedek vir sowat 35-40 minute of tot gaar. Terwyl kerrie prut, maak stokbrood: Plaas water, olyfolie en sout in middelslagmengbak. Roer met houtlepel terwyl jy meel geleidelik byvoeg totdat die deeg ’n stywe, kniebare vorm het. Knie vir sowat 5-8 minute op meelbestrooide werkvlak of tot deeg glad en elasties is. Plaas deeg in skoon bak wat met olie gesmeer is en laat rus 15 minute op ’n warm plek. Rol deeg op meelbestrooide werkvlak tot so 3 mm dik uit. Verf hele stuk deeg met gesmelte botter. Rol deeg op in ’n lang wors en sny in 12 stukke. Rol elke stuk in ’n lang wors van sowat 20 cm, draai in ’n spiraal om die punt van ’n dikkerige stok en druk die voorste punt goed vas. Braai oor warm kole, sowat 30 cm weg, tot goudbruin en gaar, 15-20 minute. Voeg botterbone en koljander by kerrie. Roer deur en sit voor met stokbrood.