Chelseabolletjies

(bl. 111) Die bak van chelseabolletjies is ’n gier wat oral op sosiale media kop uitsteek. Dit bly nostalgies lekker vir my, al los ek die rosyne uit. genoeg vir 24

10 g-sakkie kitsgis 160 ml louwarm melk 5 ml vanieljegeursel 55 g strooisuiker

5 ml sout

2 eiers 125 g (135 ml) botter, gesmelt 450 g (800 ml) koekmeel, plus ekstra vir uitrol

KANEELBOTTER

100 g (110 ml) sagte botter 90 g (110 ml) bruinsuiker 10 ml fyn kaneel

100 g pekanneute, fyngekap

BOLAAG

100 g (110 ml) sagte botter 230 g-houer roomkaas 100 g versiersuiker

Plaas gis, melk, vanieljegeursel, strooisuiker, sout, eiers en botter in mengbak en roer met houtlepel tot suiker opgelos het. Hou aan roer en voeg meel geleidelik by tot stywe, kniebare deeg vorm. Knie vir 5-8 minute of tot gladde, blink voorkoms. Smeer skoon bak met bietjie olie en plaas deegbal in bak. Maak bak toe met kleefplastiek en laat rys deeg op warm plek tot dubbel die volume, sowat 40-60 minute. Spuit koekpan van 22 cm in deursnee met kleefwerende kossproei. Maak intussen die botter: Meng al die bestanddele saam tot ’n smeerbare mengsel. Sprinkel meel op werkvlak en keer deeg uit. Sprinkel bietjie meel oor en rol uit tot sowat 5 mm dik. Smeer kaneelbotter oor deeg en rol deeg in stywe wors op. Sny wors in skywe van 2 cm dik. Pak skywe met gesnyde kante na bo styf teen mekaar in voorbereide pan tot hele pan vol is. Bedek pan met kombuisdoek en laat weer rys tot dubbel die volume, sowat 20-30 minute. Terwyl deeg laaste keer rys, verhit oond tot 180 °C. Bak bolletjies vir 30-35 minute of tot goudbruin en gaar. Klits bestanddele vir bolaag saam tot glad en romerig. Smeer oor warm bolletjies sodra dit uit die oond kom. Laat afkoel en sit voor.