Geroosterdemielie-slaai
(bl. 136)
Dis altyd vir my moeilik om te glo dat mielies van
Mexiko af kom en nie van Afrika nie! Dit is so ’n groot deel van ons dieet. Ons eet mielies gebraai, gestoom en gekook, ons eet mieliemeel in verskillende gedaantes en, natuurlik, die stampmielies-en-boontjies waarmee ek grootgeword het. Hierdie resep is ’n viering van en herinnering aan die oorsprong van mielies, vandaar die Mexikaanse geure van lemmetjie, koljanderblare (ook bekend as dhania) en tequila in die sous, wat hierdie andersins eenvoudige slaai ’n wonderlike skop gee. genoeg vir 6 6 klein mielies seesout en varsgemaalde swartpeper, na smaak
180 g dun groenboontjies 30 ml olyfolie
1 avokado, geskil en gesny 30 ml koljanderblare, geskeur
SOUS
30 ml lemmetjiesap
30 ml heuning
10 ml tequila
1 knoffelhuisie, fyngedruk
60 ml ekstrasuiwer olyfolie
5 ml koljander, gekap (opsioneel)
Week die mielies in warm water vir 10 minute of kook vir 5 minute tot net sag. Verwyder uit die water en geur met sout en peper. Braai oor ’n oop vuur of in ’n riffelpan op die stoof vir sowat 10 minute, terwyl jy dit gereeld omdraai, totdat die mielies geskroei is. Plaas die boontjies in ’n bak. Bedruip met olyfolie, geur met sout en peper en meng. Plaas in ’n roostermandjie of direk in ’n riffelpan en rooster vir 5-7 minute. Draai gereeld om, om seker te maak hulle word eweredig gaar. Laat die boontjies en mielies afkoel. Sny die mieliepitte van drie van die stronke af en halveer of sny die res in skywe voordat jy dit op ’n dienbord rangskik. Voeg die boontjies en avokado by, sprinkel koljander oor en meng liggies. Vir die sous: Plaas al die bestanddele in ’n fles of beker en skud of roer tot goed gemeng. Bedruip die slaai met sous voordat jy dit voorsit.
SIBA SE WENK
Wanneer jy braai, maak seker die rooster is skoon en gesmeer met olie om te keer dat die mielies daaraan vassit. As jy nie die mielies braai nie, maak dit oor hoë hitte in ’n riffelpan op die stoof gaar om dit te skroei. As jy ’n gasstoof het, kan jy die mielies direk oor die gasvlam gaarmaak om dit te skroei en ’n rookgeur te verkry.