Inpakkos

Vanjaar is die jaar van die jaffel en dis inpakkos op sy beste – vir werk of skool. Met SPAR se Freshlinereeks maak jy uithalerjaffels wat knus in jou kosblik rus en boonop sy man staan as ete

Kerriemaalvleis-enaartappel-jaffels

genoeg vir 10

■ 30 ml olyfolie

■ 1 SPAR Freshline-ui, fyngekap

■ 2 knoffelhuisies, fyngekap

■ 30 ml fyn komyn

■ 45 ml geroosterde masala

■ 500 g SPAR-beesmaalvleis

■ 2 SPAR Freshline- groen appels, grofgerasper met skil aan

■ 2 SPAR Freshline-aartappels, geskil en in blokkies gesny

■ 410 g-blik tamatiepuree

■ 410 g-blik klappermelk

■ sout en varsgemaalde swartpeper

■ 20 snye

■ SPAR Freshline-witbrood 120 ml sagte SPAR-botter

■basiliekruid p est o vir voorsit (opsioneel)

Verhit olyfolie tot warm in groot pot. Voeg uie, knoffel en speserye by. Roerbraai vir 3-5 minute of tot speserye geurig ruik. Voeg maalvleis, appel en aartappel by en braai vir 3-5 minute of tot vleis los korrels vorm. Voeg tamatiepuree en klappermelk by. Roer deur en verlaag hitte. Laat prut vir 15-20 minute of tot vloeistof met helfte verminder het en aartappels sag en gaar is.

Geur met sout en peper. Meng deur. Smeer een kant van elke sny brood met botter. Plaas een sny op ’n slag met die gesmeerde kant na onder in ’n jaffelpan. Skep vleisvulsel bo-op. Plaas tweede sny brood bo-op met botterkant na bo. Maak pan toe en sny brood wat oorsteek af. Braai oor lae hitte vir so 2-3 minute per kant of tot goudbruin. Haal uit pan en maak nog jaffels met res van brood en vulsel. Sit warm voor met pesto, of pak koud in vir middagete by die werk of skool.