Spinnekop-piñata-koek

Die idee kom van die Australiese kosghoeroe Donna Hay – hier is my weergawe. Lees op bl. 4 meer oor die piñata. genoeg vir 1 koek

olyfolie 300 g donker-baksjokolade, gesmelt in ’n houer oor ’n pot kookwater 200 g wit-baksjokolade, ook gesmelt 1 sjokolade-sponskoek van 33 x 52 cm (sien bl. 4) 1 ronde sjokolade-sponskoek, 20 cm in deursnee 1 x basiese vanieljeversiersel (sien bl. 4) groen koskleursel kakao 500 g sjokoladeballetjies (Astros) 8 buigbare strooitjies plastiek-ogies 1 sjokolade-moutbal oranje fondantversiersel blommetjies en skoenlappers van versiersel

Stap 1

Smeer 2-liter-glasbak goed met olyfolie. Gooi albei gesmelte sjokolades in glasbak en beweeg bak rond tot binnekant heeltemal met sjokolade bedek is. Laat staan ’n paar minute tot halfpad gestol en draai bak weer rond. Laat stol in yskas en keer uit.

Stap 3

Sny 2 sirkels uit ronde sponskoek met ronde koekiedrukkers: een van 5 cm-deursnee en een van 8 cm-deursnee. Kleur oorblywende versiersel bruin met kakao. Stapel 2 koeksirkels bo-op mekaar en smeer toe met versiersuiker – jy moet dit rond vorm met ’n paletmes.

Stap 2

Kleur ⅔ van die versiersel groen met ’n paar druppels koskleursel. Gebruik ’n grastuit, of ’n stertuit (sien bl. 4) en spuit die sponskoek heeltemal toe met “gras”.

Stap 4

Vul sjokolade-dop met lekkers en plaas papierbord bo-op. Druk bord stewig vas en keer om op koek met gras – die bord keer dat lekkers uitval. Trek bord uit. Plaas koek se kop teenaan lyf. Druk oë, neus (moutbal) en bene (strooitjies) op koek. Maak mond met fondantversiersel. Versier gras met eetbare blomme en skoenlappers.