Gogga-koekies
Gebruik plastiekgoggas om hier en daar patrone in die deeg te druk.
genoeg vir 8 – 10
• 80 g (85 ml) botter • 40 ml heuning • 40 ml gouestroop • 5 ml karamelgeursel • 70 g (90 ml) sagte bruinsuiker • 240 g (430 ml) bruismeel Verhit oond tot 180 °C. Smelt botter, heuning, stroop, geursel en suiker saam oor lae hitte. Verwyder van hitte en laat effens afkoel. Gooi in mengbak en voeg meel by. Meng goed tot stywe, hanteerbare deeg. Draai in kleefplastiek toe en laat rus vir 25 – 30 minute of tot koud in yskas. Verdeel deeg in 2 balle en rol elke bal uit bo-op bakpapier wat goed met kleefwerende kossproei gespuit is, tot sowat 5 mm dik. Doop plastiekgoggas en reptiele van jou keuse in koekmeel en druk patrone op koekiedeeg. Plaas op bakplaat en bak 10 – 12 minute of tot goudbruin. Laat afkoel.