Blombak-koekies

Koop bakkies sjokolademousse.

genoeg vir 8

• 155 g (170 ml) botter

• 280 g (500 ml) koekmeel

• 50 g (60 ml) strooisuiker

• 45 ml yswater

• 1 x 500 ml-houer sjokolade

mousse

• 200 g sjokoladekoekies, fyngekrummel (soos Romany Creams)

• versiersuikerblomme, vas

gesteek op sosatiestokkies

Verhit oond tot 180 °C. Plaas botter, meel en suiker in voedselverwerker en pols by hoë spoed tot tekstuur van fyn broodkrummels. Voeg water geleidelik by terwyl die menger loop totdat deeg in een bal saamkom. Verdeel deeg in 8 en vorm balletjies. Rol uit op meelbestrooide werkvlak tot sowat 5 mm dik. Spuit agterkant van muffinpan goed met kleefwerende kossproei en plaas deegsirkel bo-oor gespuite holtes en druk stewig vas. Bak vir 10 – 15 minute of tot goudbruin en bros. Laat afkoel. Skep lepels vol sjokolademousse in elke bakkie. Bedek met koekiekrummels. Steek blomme in elke blombakkie en sit voor.