Spierwit skuimpies

As jy van die platteland kom, sal jy weet hierdie droë meringues noem die kinders skuimpies. Dis maklik en lekker goedkoop om te maak. genoeg vir 24

• 2 eierwitte • 125 g (150 ml) strooisuiker • 10 ml amandelgeursel • 30 ml witasyn

Verhit oond tot 140 °C. Klits eierwitte in elektriese menger tot sagte punte vorm. Gooi strooisuiker geleidelik by en hou aan met klits tot blink en styf. Voeg geursel en asyn by, en klits tot gemeng. Skep meringuemengsel in spuitsak met 1 cmstertuit. Voer bakplaat uit met bakpapier en spuit goed met kleefwerende kossproei. Spuit meringue-rosette van so 2 cm in deursnee op die bakplaat. Bak 15-20 minute of tot bros, maar steeds sag binne. Laat afkoel op ’n bakplaat.