SPRINGMIELIE-EN-MALVALEKKER-BLOKKIES
BESTANDDELE:
½ koppie IMBO-springmielies 2 eetlepels sonneblomolie 50 g Bokomo Otees 1 koppie Smarties 100 g Safari-kasjoeneute 1/3 koppie botter 300 g malvalekkers
METODE:
1. Smeer 'n langwerpige, vierkantige poedingbak en voer
die bodem uit met waspapier. 2. Verhit olie in groot pot met die deksel op oor mediumhoë hitte tot warm. Gooi springmielies in pot en plaas deksel terug. Laat al die mielies uitpof. Haal uit pot en plaas in 'n groot mengbak. 3. Meng die Otees, Smarties en die kasjoeneute met
die springmielies. 4. Smelt die botter in 'n pot oor medium hitte. Meng die malvalekkers met die botter tot die lekkers smelt. Gooi die mengsel oor die springmielie-mengsel en roer deur. 5. Gooi die mengsel uit in die bak, druk plat met 'n houtlepel
en laat staan vir sowat 20 minute. 6. Sny in blokkies en kyk hoe die kinders veg om eerste by
die blokkies uit te kom.