Fantasie-sjokolade
(bl. 10) Belaai met soetgoed. GENOEG VIR 8
• 300 g wit baksjokolade
• 100 g Smarties
• 100 g mini-malvalekkers
• hand vol sterretjiesprinkels • hand vol eetbare silwer blinkers
Smelt sjokolade in glasbak oor pot met kookwater. Moenie dat die bak aan die water raak nie.
Voer ’n bakplaat uit met bakpapier en spuit goed met kleefwerende kossproei. Skep gesmelte sjokolade op bakplaat en smeer met agterkant van ’n lepel tot sowat 3 mm dik. Sprinkel res van bestanddele oor en laat stol tot hard in yskas. Breek in stukke en sit voor.