Jogurt-ysies

Kleurryke lae jogurt sonder ekstra suiker – dit vra net geduld. GENOEG VIR 12

• 4 soorte jogurt, 250 ml elk (ons het aarbei, vanielje, sjokolade en grenadella gebruik)

• 12 roomysstokkies

Skep eerste laag jogurt in 12 roomysvorms met volume van 100 ml elk. Vries tot net ferm gestol. Druk houtstokkies in en vries tot hard. Skep volgende laag jogurt op en vries weer. Herhaal tot al die jogurt op is. Hou in vrieskas.

WENK Maak papierhouers vir roomys so: Sny stroke bakpapier en stik die kante toe met kleurryke gare in ’n sigsag-patroon.