Knibbelstokkies
Hierdie soet broodstokkies is goedkoop en jy kan met min moeite vir baie kinders iets gee om aan te peusel.
GENOEG VIR 20 STOKKIES
• 1 x 10 g-sakkie kitsgis
• 10 g sout
• 300 ml louwarm water
• 45 ml heuning
• 500 g koekmeel plus ekstra
vir uitrol
• 100 g witsjokolade, gesmelt
Plaas gis, sout, water en heuning in middelslag-mengbak. Roer met draadklitser tot gemeng. Voeg meel geleidelik by tot stywe, kniebare deeg vorm. Keer uit op skoon werkvlak en knie tot glad en ferm. Sit in skoon bak wat met olie gesmeer is. Laat rys op warm plek tot dubbel die volume. Verhit oond tot 220 °C. Verdeel deeg in 20 ewe groot porsies en rol in lang, dun stokkies. Plaas op bakplaat wat met kleefwerende kossproei gespuit is. Bak 15-20 minute of tot goudbruin en bros. Laat afkoel en sif versiersuiker oor. Skep lepels vol witsjokolade oor stokkies en laat afkoel tot hard. Sit voor.