Gooi die houtring
Verf ’n houtbord van 2 m x 80 cm ligblou. Boor drie gate van 2 cm in deursnee op drie verskillende plekke op die bord. Saag ’n besemstok van 20 mm dik in drie stukke, so lank soos verkies. Druk in die gate. Plak onder elke besemstok ’n vilt-strikdas (sien uitnodiging se aanwysings). Laat sny drie houtringe by ysterwarewinkel. Laat die voorbereide plank regop staan en trek ’n streep sowat 2 m daarvan af. Maats moet dan probeer om die drie ringe om die drie “neuse” te gooi. Die wenner is die maat met die meeste trefslae.