Worsbroodjie-skip
Kinders sê moeilik nee vir ’n worsrol. Maak jou eie sous daarby. GENOEG VIR 8
• 600 g vars kersietamaties
• 4 knoffelhuisies, gekap
• 30 ml vars tiemie, gekap
• 60 ml olyfolie
• 1 ui, gekap
• 1 x 400 g-blik kersietamaties • sout en varsgemaalde
swartpeper
• 8 bratwurst-worse
• 8 lang broodrolletjies
• 8 skeepsmaste (Besoek SARIE.
com en druk uit op A4-papier)
Verhit oond tot 200 °C. Plaas vars kersietamaties, knoffel en tiemie saam in ’n middelslag-oondpan. Oondbraai stadig in warm oond tot tamatieskille bars en begin verkleur – sowat 15-20 minute. Verhit olyfolie in ’n middelslagpot en voeg ui by. Braai stadig tot ui begin verkleur. Voeg gebraaide tamaties en geblikte tamaties by en verlaag hitte. Geur goed met sout en swartpeper. Laat stadig prut tot vloeistof met die helfte verminder het – sowat 10-15 minute. Hou eenkant. Bring pot met water tot kookpunt en verhit wors 2 minute lank in die kookwater. Dreineer. Plaas wors in broodjies en skep sous oor. Steek in elke worsie ’n skeepsmas. Sit voor.