Koekie-suigstokkies

Sit die koekies voor met melk. GENOEG VIR 12

• 155 g (165 ml) botter

• 280 g (500 ml) koekmeel plus

ekstra vir uitrol

• 110 g (125 ml) strooisuiker

• 60 ml yswater

• rooi koekkleursel

• 12 sosatiestokkies

Verhit oond tot 180 °C. Plaas botter, meel en suiker in voedselverwerker en pols by hoë spoed tot tekstuur van fyn broodkrummels. Gooi yswater geleidelik by terwyl menger loop tot alles in een bal saamkom.

Verdeel mengsel in twee dele en voeg rooi kleursel by een helfte. Sprinkel meel op werkoppervlak en rol stukkies deeg in lang worse van sowat 5 mm dik. Vleg rooi en wit deegworse inmekaar. Maak ronde spirale van vlegsel en plaas op bakplaat wat goed gespuit is met kleefwerende kossproei. Druk dun sosatiestokkie in elke spiraal. Herhaal met res van deeg. Bak 8-10 minute of tot wit deeg goudbruin is. Laat afkoel en sit voor.