Die heks se besem
Dié happie is niks meer as malvalekkers en gepofte rys nie. Doop in witsjokolade en dit lyk fabelagtig!
GENOEG VIR 8
• 40 malvalekkers
• 40 g (45 ml) botter
• 300 g gepofte rys
(Rice Krispies)
• 8 hout-roomysstokkies
• 100 g witsjokolade, gesmelt • gekleurde sjokoladeballe
(Astros)
Plaas malvalekkers en botter in groot bak en smelt by mediumhitte in mikrogolfoond. Gooi rys by en meng deur. Gooi mengsel in ’n koekpan van 20 x 20 cm. Druk plat en laat afkoel tot louwarm, maar steeds sag. Keer uit en druk 3 houtstokkies in aan die een kant van die mengsel en nog drie op dieselfde plek aan die oorkant. Laat verder afkoel tot heeltemal gestol. Gebruik skerp mes en sny suigstokkie-vorms uit die mengsel – maak seker elke vorm het ’n houtstokkie. Doop punte in witsjokolade en dan in sjokoladeballe. Laat stol en sit voor.