Springmielie-bokskoek

Dis tyd om jou blinkste skoene en mooiste rok aan te trek, want ons is op die rooi tapyt! Omskep jou tuin of braaikamer in ’n tuisfliekteater en bederf maats met anderste happies en glans-aktiwiteite

Dié koek is gemaak met gekoopte sponskoek, maar as jy jou eie koek wil bak, kan jy die basiese resep op bl. 195 gebruik.

GENOEG VIR 1 KOEK

• 6 vierkantige sponskoeke van 25 x 25 cm

• 1 x basiese vanieljebotterversiersel (bl. 195) • 1 x 400 g-pak wit fondantversiersel

• 1 x 200 g-pak rooi fondantversiersel

• 2 koppies springmielies, geskiet

Stap 1

Stapel sponskoeke bo-op mekaar met botterversiersel tussen elke laag. Druk sosatiestokke in die middel van die koek om dit stewig te maak. Gebruik riffelrandmes en sny kante van die koekstapel skuins na onder om soos ’n springmielieboks te lyk.

Stap 3

Rol wit fondantversiersel uit met koekroller tot sowat 2 mm dik. Sny vier panele uit die wit versiersel en plak een op ’n slag teen die kant van die koek.

Sny dit wat oorhang netjies af met skerp mes voor jy die volgende paneel op die koek plak.

Stap 2

Draai koekstapel om en bedek die hele koek met botterversiersel.

Stap 4

Rol rooi fondant uit tot 2 mm dik en sny repe van 1 cm breed. Maak repe effens nat met water en kombuiskwas. Plak dit 1 cm uit mekaar op die wit fondant. Sny dit wat oorhang netjies af.

MAAK SÓ KLAAR: Skep oorblywende botterversiersel in groot wolk bo-op koek. Maak versiersel-wolk toe met springmielies. Gooi oorblywende springmielies rondom koek op opdienbord. Sit voor.