SPEELSPEEL
In die uil se maag
Sny ’n plank van 1 500 x
800 cm uit 5 mm-laaghout. Verf die plank wit en verf dan met skakerings van bruin ’n uilfiguur op die hout – maak seker jy kies een met ’n groot maag. Sny die maag uit met ’n figuursaag. Gee vir die kinders tennisballe en laat hulle kyk wie kan die meeste balle in die uil se maag gooi.
Appels aan toue
Maak lang toue aan die stingels van rooi appels vas. Hang dit op verskillende hoogtes aan takke in die tuin. Kinders moet met hul hande agter die rug kyk wie die eerste sy appel kan opeet – die wenner kry ’n prys.
Verfblik-stelte
Koop skoon verfblikke
(2 per kind) by ’n verpakkingsmateriaalhandelaar. Sny vir elke blik ’n stuk sterk tou van 1,5 m lank. Draai blik onderstebo en maak gaatjies aan weerskante van die blik (soos op foto). Ryg tou se punte deur gaatjies en maak knope aan die punte. Hou ’n resies en kyk wie kan eerste oor die eindstreep stap met dié stelte.
Uil-piñata
Maak self ’n uil-piñata of bestel een by jou naaste partytjiewinkel. Blinddoek die partytjiegangers en gee elkeen ’n beurt om die piñata met ’n lang stok te slaan.
Die uitnodiging
Besoek SARIE. com en laai die ontwerp vir ons bos-uitnodiging af. Maak uit vilt klein dierevingerpoppies soos bere, uile en hasies: Sny buitelyne en plak bo-op mekaar met materiaalgom. Plak poppies op uitnodiging vas.
Vilt-maskers
Besoek SARIE.com en laai buitelyn-patrone vir ’n verskeidenheid dierevorms af. Volg die aanwysings op die vorms en sny die dele uit verskeie kleure vilt. Stik Vilene (tussenvoering-materiaal) tussen die lae vas en plak detail vas met materiaalgom.
Sny stukke broekrek en stik vas aan maskers.