Roomysbroodjies

Dié sagte amandelkoekies klink na baie werk, maar dis als die moeite werd!

GENOEG VIR 8

• 100 g fyn amandels

• 100 g (190 ml) versiersuiker • 100 g (120 ml) strooisuiker • 30 ml water

• 2 eierwitte

• 5 ml pienk koskleursel

• 1 liter gekleurde roomys

( Neapolitan)

Verhit oond tot 140 °C. Sif amandels en versiersuiker saam. Bring 100 g strooisuiker en water tot kookpunt in ’n middelslagpot. Kook tot by 110 °C op suikertermometer – so 5-8 minute. Klits die eierwitte tot sagte punte vorm en gooi suikerstroop geleidelik by om meringue te maak. Hou aan klits tot blink en styf. Voeg kleursel by en meng deur. Vou meringue liggies by amandelmengsel in. Skep mengsel in spuitsak met 1 cm-skerprandtuit. Voer 2 bakplate met bakpapier uit en spuit sirkels van 2 cm in deursnee so 1 cm uitmekaar op papier. Bak 12-15 minute of tot bros en gaar. Laat afkoel op papier. Skep balle roomys en plaas elk tussen twee amandelkoekies. Sit dadelik voor.