Koek sonder bak
Partytjiekoeke kan ’n vreesaanjaende uitdaging wees, maar hier is nou vir jou ’n slim plan: Maak ’n springmieliekoek sonder ’n oond met IMBO se pitte. Dit kan nie flop nie!
Rocky roadsjokoladekoek
Die koek is verspot maklik. As die mielies gepof is, is jy so te sê klaar. GENOEG VIR 1 KOEK
• 60 ml sonneblomolie
• 1 x 500g-sak IMBOspringmieliepitte
• 1 x 300g-pak klein malvalekkers • 600g moutballe (wit- en melksjokolade gemeng) (Whispers)
• 1 x 100g-houer kleurstrooisels plus ekstra vir garnering
• 300g witsjokolade, gesmelt
Voer ’n 30 cm-losboomkoekpan uit met bakpapier. Plaas olie en IMBO-springmielies in groot pot en maak toe met deksel. Plaas oor matige hitte en laat pitte spring
– die oomblik as die klapgeluide ophou, is dit reg. Plaas saam met al die bestanddele behalwe die gesmelte sjokolade in ’n groot mengbak. Gooi die sjokolade oor en meng goed met ’n houtlepel. Gooi hele mengsel in uitgevoerde koekpan en druk stewig vas met houtlepel. Bedek met nog ’n stuk bakpapier en plaas op ’n skoon bord met iets swaars op die koek om dit plat te druk – ek gebruik sommer blikkies vrugte. Plaas 20-25 minute in die yskas of tot die sjokolade getsol het. Haal uit pan, sit op ’n koekbord en versier met ekstra kleurstrooisels.