DONKER EN LIG

Die kombuiskaste, mure en plafon is dieselfde donker kleur geverf (Plascon se kleur, Camp Walk), wat aan die vertrek ’n unieke voorkoms gee. Vir ekstra werkspasie het Richard ’n marmerblad laat sny vir die smal possorteertafel. Aan die sorteerkant bêre hy servette en eetgerei. Die antieke houtkas met versamelgoed daarop is die fokuspunt van die vertrek. Die kralevliegtuigie aan die lig sorg vir ’n ligte oomblik.