30 KYK WIE IS
Dit wil gedoen wees om 30 jaar ’n markleier in jou veld te wees. Dit is presies wat die ikoniese winkel Block & Chisel reggekry het. Van een klein winkel in ’n inkopiesentrum tot ’n paar reusewinkels in Kaapstad en die afgelope paar jaar ook in Johannesbu
Die welslae van hierdie onderneming is sekerlik te danke aan die eienaars wat sedert dag een met die grootste toegewydheid hul winkels bedryf.
Sibley en Lynn McAdam skryf hul sukses daaraan toe dat hulle nog nooit hul passie vir die dekorbedryf verloor het nie, en hul buitengewone uithouvermoë.
Block & Chisel is ook baie kliëntgedrewe. Die kliënt voel betrokke by die hele ontwerpproses, want jy kan self die materiaal, kleur en afwerking kies.
Sibley is die brein agter meeste van die ontwerpe en sy span van 36 vaklui – manne en vroue – is net so toegewyd soos die McAdams.
Vir Sibley en Lynn was dit 30 jaar van ontdek en groei. “Ons skryf so baie van wat ons bereik het toe aan ons span spesialiste wat hierdie besonderse meubels maak, saam met ons handelsmerk vorentoe beweeg en nie skrik vir ’n uitdaging nie. Ons is gelukkig om dit ’n familieonderneming in die ware sin van die woord te kan noem. Ons seun en dogter, Paul en Susan, is nou betrokke en lewer nuwe, vars en moderne insette.”
Sibley het ook in 2016 sy eerste solo-kunsuitstalling gehou en sowat 60 van sy skilderye hang in die nuwe Silo-hotel, langs die Zeitz MOCAA-kunsmuseum in die V&A Waterfront (sien ook bl. 16).