OUD EN NUUT

Die kombuis is netjies in twee verdeel. Regs is die ou koolstoof, wat nog gereeld ingespan word, en bo is ’n moderne stoof vir elke dag se gebruik. En wat is ’n plaaskombuis sonder ’n kombuistafel waar lekker informeel gekuier word? Die bord agter die moderne stoof het ’n laag swartbordverf gekry en Hettie het die kunswerk gedoen. Bo-oor is ’n dik glaspaneel as spatbord geplaas.