’N GROOTSE ERVARING

Om by The Robertson Small Hotel oor te bly is soos om in die skoot van salige bederf te val. Alles wat jou hart begeer, is daar en bied ’n wonderlike sintuiglike ervaring – van die besonderse dekor, luukse kamers, vriendelikste personeel en pragtuin tot d

Die mooi Victoriaanse herehuis is om en by 1909 gebou en in 2011 in hierdie lieflike hotel omskep.

Abigail Rands, mede-eienaar, het die taak onderneem om

The Robertson Small (www.therobertsonsmallhotel.com) te herontwerp en herbeplan. Sy wou nie die unieke karakter en huislikheid prysgee nie en het saam met die binneontwerper

Sophie Ashby van Studio Ashby in Londen gewerk.

Dit was vir Abigail belangrik om soveel as moontlik van plaaslike ontwerpers en kunstenaars gebruik te maak. Michael Chandler het die taak gekry om die mooi teëls in die kroeg te ontwerp, en die fauna en flora uit die omgewing was die inspirasie vir die tekstielontwerper Alexis Barre l l, wie se materiale vir die meubels gebruik is. Van die meubels is deur Bofred gemaak. Aandag is aan fyn detail gegee, soos die sleutelhouers vir jou kamerdeur juweliers ontwerper Pichulik.

Ook op die kulinêre front word nie afgeskeep nie. Etes is ’n hemelse ervaring en die personeel laat elke gas voel hy of sy is die belangrikste. Al bly jy nie oor nie, gaan ontspan op die diep stoep of drink iets in die dromerige kroeg as jy Roete 62 langs ry. Of besoek hul spa vir ’n eersteklas-bederf.