Roete 62: Beste padvakansie in Suid-Afrika!
Op hierdie roete ry jy kuier-kuier. By elke padstal, wynplaas en prentjiemooie dorpie hou jy stil. Want hier ‘kyk mense mekaar nog in die oë, groet mekaar’. Jy word oorrompel deur plattelandse gulheid, sê dekorredakteurs Anita Rossouw en Lounette Fourie w
Jy rý nie op Roete 62 nie, jy hou aanmekaar stil.
Die Kaapse aktrise en komediant Marion Holm sê dis wat sy doen. “Jaarliks, op pad na die Kunstefees op Oudtshoorn, is dit my pad want ek hou stil by Louretta’s Cake Boutique op Robertson, die beste bakkery in die land, met pasteie van regte skilferkorsdeeg wat my oorrompel.”
Dís waarvan sy hou, dat die pad jou laat stilhou, dink, tot verhaal laat kom.
CNN Travel (van die Amerikaanse nuuskanaal) het vanjaar Roete 62 as een van die 10 beste padbestemmings ter wêreld aangewys. Anita Rossouw en Lounette Fourie, SARIE se dekorredakteurs, stem saam: “Elke dorpie is mooi en bied iets besonders. Dit is eg plattelands. Hou jy stil by padstalle, gesels jy met die eienaars oor ’n koppie moerkoffie en koop jy kweperjellie soos jou ouma op die plaas dit gemaak het. Daar is soveel ondernemende entrepreneurs.”
Gert Lubbe, eienaar van die Montagu Country Hotel, word as die “vader van Roete 62” beskou. Hy het dit in 1999 met ’n vriend wat SATOER se bestuurder in Duitsland was, bespreek. “Die eerste artikel het in 2000 in Getaway verskyn,” vertel hy. “Want soos die geluk dit wou hê, doen die destydse redakteur van dié reistydskrif, David Bristow, in daardie tyd by my aan en ek vertel hom van die mooie roete. Hy stuur toe iemand om ’n artikel daaroor te doen.” Die res is geskiedenis.
“Ek wil dié roete bemark sodat die platteland ook sy plek in die son kry,” sê Gert. “Dit wys buitelanders die regte Suid-Afrika loop in die straat – mense kyk mekaar nog in die oë en groet mekaar. Die hartlikheid van die platteland is wonderlik. Dit bied boonop hope werksmoontlikhede vir inwoners in die omgewing.”
Met die verswakte rand moet Suid-Afrikaners wat vroeër oorsee kon rondrits, briek aandraai. “Hulle >
< soek plaaslik interessante dinge om te doen en Roete 62 bied goeie verblyf vir alle prysklasse,” meen Gert.
Kom “reis” saam met Anita en Lounette deur ’n paar van Roete 62 se skilderagtige dorpe.
WORCESTER
Dié dorp, deesdae die grootste in die Wes-Kaapse binneland, is amptelik op 28 Februarie 1820 gestig. Dit lê knus in die vrugbare Breederiviervallei, sowat 120 km van die Kaap.
Een van Roete 62 se bekendste en oulikste besienswaardighede is die Pampoenpadstal, 10 km buite die dorp op pad na Robertson. Jy sien net pampoene – grotes, kleintjies, in alle vorms. Aan die stuur is Hettie Viljoen, wie se ma, Hester Rabie, dit 40 jaar gelede as antiekwinkel begin het.
“Dit het geleidelik in ’n pampoenstalletjie ontwikkel. Ek hou 20 verskillende soorte aan. Suurpampoen, botterskorsie, kromnekke, boerpampoen . . .” Hettie bestel selfs pitte uit Amerika en geniet dit om haar man, Hennie, te help om met pampoen te boer.
Sy deel graag resepte op pamflette uit aan klante – enigiets van pampoenbeskuit tot pampoenfudge en -muffins. Op die stoep kan besoekers aansit vir koffie, tee en lekkernye soos piesangbrood en roosterkoek met stroop, konfyt, kaas of biltong. In die winter knus by ’n kaggel.
“Die Pampoenpadstal is kindervriendelik en gewild onder toeriste. Oorsese mense hou dikwels stil as hulle verdwaal.
Ek is mal daaroor om hier te werk, want dit is lekker om my met mooi goed te omring. Verlede jaar het ek Indië besoek en die pragtigste serpe teruggebring om hier te verkoop. Droëvrugte, unieke dinge soos makataankonfyt – en die vars lug. Dít maak ons plek besonders.
“Ek wil die plaasstal outentiek hou en gaan dit nie uitbrei nie. Dít is juis waarvan besoekers hou. Daardie intimiteit,” sê Hettie. Tel: 083 651 4990; Weeksdae oop van 08:00 tot 17:00.
ROBERTSON
Dié dorp, in die hartjie van Roete 62 se wynroete, staan bekend as “die vallei van wyn en rose”.
Benewens ’n magdom wynplase soos die Van Loveren-
Ek wil die plaasstal outentiek hou en gaan dit nie uitbrei nie. Dít is juis waarvan besoekers hou.
Daardie intimiteit HETTIE VILJOEN
familiekelder en die De Wetshof-landgoed, moet jy ’n draai maak by die Robertson-kunsgalery. Op die gesaghebbende reiswebwerf
TripAdvisor skryf Jill du Toit van Port Elizabeth: “Wat ’n onverwagte skatkis – ek was verras en verheug om so ’n groot verteenwoordiging van Suid-Afrikaanse kunstenaars te sien.”
Rial Visagie, kreatiewe direkteur en eienaar van die keramiekbesigheid Rialheim (“Rial se huis”), het só sy oupa, Rial Kloppers, se naam laat voortleef op die familieplaas Clairvaux net buite
< Robertson. Rial het die besigheid in 2012 in Johannesburg gestig, maar hy en sy vriend, Daniel Swanepoel, woon die afgelope drie jaar op die familieplaas. “Een van die groot redes vir ons verhuising was om ons span werkers ’n beter lewe te bied. Hulle het nou lekker woonplek, plek vir eie groentetuine, en almal is intussen getroud met mense van die omgewing. Hulle is veel veiliger hier as in Johannesburg waar hulle in die townships gewoon het en betaal nie meer vir verblyf of vervoer nie. Ons bly en werk saam as ’n hegte eenheid en dit is baie goed vir ons menswees en kreatiwiteit,” sê Rial.
Hulle vervaardig ’n verskeidenheid keramiekware – van bakke en bekers tot muurdekor. “Ons reken elke mens moet ook ’n keramiek-item besit wat hom laat lág. En ons gebruik graag Afrika as inspirasie. Die water, vuur en aardsheid is temas in ons werk.”
Die platteland is goed vir hulle, want hulle het meer tyd saam. “In Johannesburg sou ons twee uur per dag op die pad wees na en van die werk. Hier loop ons twee minute na die ateljee. Ons geniet dit om ons Rialheim-winkels in Johannesburg en in die Kaap te besoek. En Rialheim Europe in Duitsland versprei ons produkte in Europa.”
Naweke verken hulle dorpies soos Swellendam, Montagu en McGregor, of gaan see toe. Agulhas en Waenhuiskrans is slegs ’n uur se ry weg.
“Baie van ons vriende ken nie dié deel van die land nie en is verstom oor al die vrugte en wyn wat hier verbou word. Ek sê altyd, sonder dié vallei het Suid-Afrika nie ’n hart gehad nie, want alles wat jou hart warm maak, kom van hier af.” Agtien maande gelede het hulle die ateljee op die plaas vir die publiek oopgestel. “Dit is so lekker om te sien hoe mense van oor die wêreld
ons besoek. Lojale Johannesburgse klante soek ons op en buitelanders wat ons werk in die Kaap koop, wil ons op hul pad na die noorde persoonlik ontmoet.” MONTAGU Omring deur berge lê Montagu halfpad tussen Kaapstad en Oudtshoorn.
Dit is genoem na John Montagu, die sekretaris van die Kaapse regering van 1843 tot 1852, en is in 1851 op die plaas Uitvlugt gestig.
Die dorp is vir baie dinge bekend: die warm mineraalbron, lekker wyn en sagtevrugte soos pere, appelkose, perskes en appels. As jy hou van die natuur, pak jou tou of wandelstok in en klouter of stap op na die 1 266 m hoë Bloupunt-spits wat oor die vallei uitkyk, of durf een van die vele ander klim- en staproetes in die omgewing aan.
“Die lekkerte van ons dorp is veral ons gematigde klimaat. Januarie is die warmste maand, met ’n gemiddelde temperatuur van 23,7 °C. In die winter is dit snags bitterlik koud. Kaggels word al in die middag aangesteek, maar tussen tien en vier
onverwagte skatkis Wat ’n
– ek was verras en verheug om so ’n groot verteenwoordiging van Suid-Afrikaanse kunstenaars te sien JILL DU TOIT