TWEE WÊRELDE
WAT IS IN ’N NAAM ...
Ek het met roomyskarretjies, inryteaters en die TVkinderprogram Wielie Walie grootgeword. Vandag absorbeer ek die wonders en vooruitsigte van die tegnologie, van slimfone, tablette, rekenaars en kabelTV waaraan die meeste van ons verslaaf is.
Ek is bly ek is dít gespaar as kind, want nou sal iemand letterlik my hand moet afsny voordat ek my slimfoon gaan oorhandig.
As ek in die hedendaagse wêreld kind sou wees, was ek verlore in die buitelewe. Baie kinders ken nie boomklim, swem in die dam of roei met ’n opgeblaasde binneband rivier-af nie.
Ek was versot op ’n roomyskarretjie en het eenkeer by ’n vliegskou verdwaal nadat ek agter die gelui van sy klokkie aangehardloop het.
Inryteater het twee flieks op een aand beteken . . . ’n fees vir die hele gesin. Kleilat-gooi op my oom se plaas en diertjies vorm met klei uit die plaasdam was my gunsteling-tydverdrywe in skoolvakansies.
Indien ek kinders gehad het, sou ek probeer het om ’n gesonde balans vir hulle te skep tussen die twee wêrelde wat ek kon ervaar. Hermien du Toit, Tygerdal
Ek is in my sewentigs, en vir ons ouer geslag is ’n gevestigde roetine ’n lewensboei. Met dié roetine – ons noem dit maar spiergeheue – kan ’n mens heelparty van die “siestog-sy’s-oud”mites besweer.
Ek volg byvoorbeeld daagliks dieselfde patroon vandat ek wakker word totdat dit tyd is vir ontbyt. Ek onthou om skoon en netjies te wees, my medikasie reg te gebruik en met vreugde uit te sien na die res van die dag.
Ek wil of probeer elke dag ’n doelwit bereik. Gevolglik is daar nie tyd vir selfbejammering nie!
My vriendinne is ook almal positiewe mense, want oudword is nie ’n keuse nie. Dis ’n gegewe. Kwale en operasies is maar deel van dié pakket.
Jou gesindheid daaroor is ’n keuse! Brenda Fourie, Barberton
Skryf aan SARIE, My sê tel, Posbus 1802, Kaapstad 8000,
of stuur e-pos na: mysetel@sarie.com. Nie meer as 130 woorde nie. Menings uitgespreek in leserbriewe is nie noodwendig dié van SARIE nie. Ons plaas nie gedigte, briewe oor reünies of vermiste mense nie. REËLS: Briewe (ook e-posbriewe) moet ’n volledige posadres, kontaknommer en volledige doopnaam bevat. Dit moet ook oorspronklik wees en mag nie aan ander tydskrifte voorgelê word nie. En jy moet onderaan jou brief aandui: NET AAN SARIE GERIG.
Svetlana Alexievich, die Belarussiese skrywer aan wie die Nobelprys vir letterkunde verlede jaar toegeken is, is maar die 14de vrouewenner sedert 1901. Vandag beteken ’n man se naam dikwels steeds dat jou werk ernstiger opgeneem word, sê Soraya Chemaly, ’n media-kritikus en aktivis. Vroeër in 2015 het die Amerikaanse skrywer
Catherine Nichols vir ’n tweede keer manuskripte by verskeie uitgewers ingedien – dié keer as “George”. “Hy” het baie meer antwoorde as “sy” gekry. Nog vroue wat onder geslagsneutrale name geskryf het, was JK (Joanne) Rowling, Louisa May Alcott (B.A. Evans) en Nelle
Harper Lee (Harper Lee).
Net een Sophia!
LEES OOK
’n Langer weergawe van Marita se artikel, met musiekvideo’s, kan gelees word op Litnet: http://www.litnet. co.za/soms-is-woorde-nie-genoeg-nie/