Reine Swart
As 4-jarige wou Reine al ’n filmster word. Sy het al haar geld gespaar om ná skool ’n twee maande lange kursus by die New York Film Academy te doen, en daarna teruggekom Suid-afrika toe. Haar eerste fliekrol was in Somer
wat verlede jaar op die grootskerm was, en sy is ook in die kyknet-reeks Bloedbroers en die fliek Die Pro te sien.
Reine voltooi nou haar meestersgraad in bedryfsingenieurswese by Wits. “Ek is net so 50% lag sy. “Ek oefen baie, dra nie juis grimering nie, en as my man sê ek mag, dan ry ek ook graag skaatsplank!”
Sy is vanjaar in internasionale produksies soos die reeks Dominion (op Dstv se kanaal 102) en die film Detour te sien. “Twee hoogtepunte. Ek het baie geleer deur te kyk hoe hulle dinge op sulke groot produksies doen.” Sy gebruik dié kennis agter die skerms wanneer sy advertensies skiet by haar produksiemaatskappy Twin Hearts in Centurion.