Albert Pretorius In ons KOLLIG
Daar’s ’n ontploffing in die SA rolprent- en teaterbedryf – met ’n hele klomp veelsydige jongmense wat woeker met hul talente en groot naam maak. Hou hulle vanjaar dop . . .
Net in 2015 het Albert drie toekennings vir beste akteur gekry in verskillende toneelstukke – ’n Kanna, ’n Fiësta en ’n Fleur du Cap.
Nie sleg vir iemand wat ’n akteur geword het omdat hy nie kon besluit wat hy wil doen nie. “As 11-jarige het ek ’n mondeling gedoen oor wat ek eendag wil word. Ek het gesê ’n akteur, dan kan jy álles wees.”
Albert het op skool aan sang- en toneelkompetisies deelgeneem, en toe ook die pryse ingeryg. Ná sy dramastudies aan Ikeys was sy eerste professionele rol in die toneelstuk Miskien, en dit bly ’n hoogtepunt – hoewel hy ook die rolprente Die Wonderwerker, Modder en Bloed en sy rol as Ulrich Moolman in Binnelanders uitsonder. “Dít, en my werk vir kyknet se asook ses maande in Holland in die toneelstuk
Oor sy rol in die fliek Long Walk to Freedom is hy nie naastenby so opgewonde nie. “Dit was klein – ek twyfel of mense my selfs daarin kan sien!”