MITE 5

Die SBF in grimering is genoeg om jou vel teen die son te beskerm Hoewel dit beter is om ’n grimeerproduk soos onderlaag of ’n gesigpoeier met ’n SBF te gebruik as een daarsonder, bied dit nie naastenby genoeg beskerming nie, sê dr. Duvenage. “Die meeste mense gebruik baie minder van die grimeerproduk as wat die vervaardigers gebruik wanneer hulle dit toets.” As jy bv. ’n gesigpoeier met ’n SBF gebruik, moet jy gemiddeld 14 keer meer daarvan aanwend as wat jy doen om voldoende sonbeskerming te kry, sê sy.

As jy nie daarvan hou om ’n sonskerm vóór jou onderlaag aan te wend nie, probeer ’n sonskerm met ’n hoë SBF wat getint is (sien produkvoorstelle). Dit sal jou vel liggies bedek, terwyl dit die nodige beskerming bied.