MITE 7

Dit is veiliger om met ’n sonbed te verbruin ( tan) as om in die son te verbruin Daar is nie so iets soos veilige verbruining ( tanning) nie. Jy verbruin wanneer Uva-strale jou vel se DNS beskadig en jou vel in reaksie donkerder verkleur om verdere skade te voorkom, volgens die webwerf skincancer.org. Met ’n sonbed word ’n gekonsentreerde hoeveelheid Uva-strale baie naby aan jou lyf vrygestel sodat jy vinnig verbruin. Die skade wat ’n sonbed aanrig, is dus net so gevaarlik soos die son, indien nie meer nie.