GLAD SOOS SATYN ONTHOU
Waks Skeer Room
Sedert die eerste skeermes in 1915 bekend gestel is, het ontharing ’n byna onmisbare deel van vroue se skoonheidsroetine geword. Gelukkig is daar vandag meer as een manier om tot siens te sê aan ongewenste haartjies. Waks trek haartjies, wortel en al, uit die haarfollikel, sê Erentia du Plessis, opleidingsbestuurder van die velsorghuis Placecol. Dis nie pynloos nie, maar jy kan sowat 20 minute voordat jy waks ’n verdowingsmiddel aansmeer. Die hare moet 5 – 10 mm lank wees vir die waksstroke om doeltreffend te werk.
Jou onderarms, bikinilyn en bene omdat die haartjies op dié dele growwer is en die waks dit makliker “gryp”. Omdat die haarwortel uitgetrek word, groei die hare stadiger terug as wanneer jy skeer.
Omdat die haarfollikels wawyd oop is nadat jy gewaks het, word onsuiwerhede en sweet maklik daarin vasgevang. Dit kan lei tot ’n veluitslag of ingroeihaartjies. Skilfer die vel sowat 2 – 3 keer ’n week met ’n growwe sponsie af om dít te voorkom. ’n Skeermeslemmetjie “sny” die hare teenaan die veloppervlak af. Omdat die haarwortel nie verwyder word nie, groei die haar binne ’n paar dae terug. Dis vinnig en gerieflik.
Jou bene en onderarms omdat dié hare vinniger groei as hare op ander dele van jou lyf. Die kans vir ingroeihare is ook skraal.
Skeer irriteer jou vel maklik en kan rooi knoppies veroorsaak. ’n Ryk vogroom ná die tyd sal rooiheid kalmeer. Gebruik altyd ’n skeerroom, -jel of lyfwas wanneer jy skeer. Dit help keer dat jy jouself raakskeer omdat ’n lemmetjie makliker oor gladde, sagte vel gly. Gebruik ’n lyfolie of ’n bietjie haaropknapper as jy nie skeerroom het nie.
Skeer bene in die teenoorgestelde rigting as waarin die hare groei vir die gladste resultate. As jou vel maklik uitslaan, skeer eerder saam met die haargrein. Skeer in alle rigtings wanneer jy jou onderarmhare skeer omdat dié hare in verskillende rigtings groei.
Moenie jou vel afskilfer nadat jy geskeer het nie omdat die skeerproses reeds dooie selle verwyder.
Vervang jou skeermes-lemmetjies wanneer dit dof lyk. Ontharingsrome bevat bestanddele wat die hare op die veloppervlak verswak en afbreek. Jy los dit vir sowat tien minute aan om te ontwikkel en was dit dan af. Dié metode is pynloos.
Jou bene, onderarms en bikinilyn.
Moenie ’n ontharingsroom langer as die aangeduide tyd op jou vel hou nie. Dit kan jou vel irriteer of selfs brand.
Skilfer jou vel ’n dag voordat jy ’n ontharingsroom gebruik af. Minder sellagies tussen jou vel en die room sorg vir ’n gladder vel ná ontharing.
Was die deel waar jy die hare wil verwyder met warm water vóór jy die ontharingsroom aanwend. Dit verwyder olie van jou vel sodat die middel beter werk.
Jy moet die behandeling elke 3 – 4 weke laat doen.