NUUT!
In die wêreld van olie
’n Trotse Afrika-bestanddeel, maroela-olie, word in ’n nuwe reeks
haarprodukte vir droë, beskadigde en growwe hare gebruik. Dié olie is vol antioksidante, voedingstowwe en minerale wat jou hare bevog en herstel. Kies uit ’n sjampoe, opknapper, masker
en twee tipes haarolies in Paul Mitchell se Marula Oil-reeks. Jy kan selfs die haarolies op jou lyf
gebruik! By uitsoeksalonne Vitamien E
en C in dié nuwe produk help beveg die skade van vry radikale. Die veelsydige
olie help ook om jou velwand te versterk sodat vog behoue bly. Jy kan dit op een van drie maniere
gebruik: Tik ’n paar druppels op jou vel ná reiniging. As jy minder olie wil gebruik, meng ’n druppel of twee met jou
vogroom voordat jy dit aanwend, of wend die olie
bo-oor jou vogroom aan. Dié lipolie voel nie taai nie. Jy kan dit alleen gebruik om jou lippe te voed, of jy kan dit
bo-oor jou lipstiffie aanwend vir ekstra glans.
Daar’s ’n goeie rede hoekom olie die velsorgwêreld se nuwe obsessie is, sê dr. Terry Loong, velsorgkenner van The Body Shop. “Nie net is dit voedend en veerlig nie, dit het ook die
perfekte tekstuur om jou vel diep en maklik te penetreer.” Daar is drie soorte saadolie – swart
komyn, kamelia en roosknoppe – in dié skoonheidshuis se Oils of Life-reeks, met onder meer ’n gesigolie, jelroom en ’n ryker vogroom. Dit hou vel sag en soepel sonder
dat dit olierig voel. Die plaaslike skoonheidshuis Placecol se Illuminé-velsorgreeks (vir vroue bo 40) bevat ook ’n gesigolie wat jy snags aanwend. Jy kan dié produk, met onder meer arganolie, alleen of vóór ’n nagroom gebruik. Arganolie is ryk aan vitamien E, ’n sterk antioksidant. By Placecol-salonne landwyd Jou vel se herstelproses bereik sy piek in die nag. Dít is hoekom lyntjies dikwels minder sigbaar en jou vel gladder is ná ’n goeie nagrus. Maar soos die dag vorder, eis faktore soos besoedeling, spanning en Uv-blootstelling sy tol op jou vel en teen die namiddag lyk jy maklik ’n paar jaar ouer. Gemmerwortel-olie in dié produk help om inflammasie deur die dag teen te werk en tamanu-olie seël vog in jou vel sodat dit stralend lyk. Wend soggens 2 – 3 druppels ná jou serum aan. Dink jy jy kan nie olie op jou fyn hare gebruik nie? Schwarzkopf Professional het ’n nuwe produk spesiaal vir fyn hare ontwikkel. Dis in die vorm van ’n fyn mis wat hare liggies bedek. Dit word vinnig droog en gee hope glans en voeding. Geskik vir nat én droë hare. ’n Weergawe vir dikker, growwer hare is ook te kry. By uitsoeksalonne