BEHANDELING VAN DIE MAAND
Bederf by nuwe skoonheidsalon
Om in ons moderne wêreld tyd in jou besige skedule te maak vir ’n gesig- of lyfbehandeling is lankal nie meer ’n luukse nie, maar ’n noodsaaklikheid. Dít is wyse woorde van die Fransman dr. Olivier Courtin-clarins, besturende direkteur van Clarins. Dié skoonheidshuis se storie het juis net meer as 60 jaar gelede begin toe die Franse fisioterapeut Jacques Courtin-clarins ’n salon in Parys oopgemaak het waar vroue lyf- en gesigbehandelings kon kry. Vandag is dít steeds een van die skoonheidshuis se belangrikste pilare. Die nuwe Clarins Beauty Salon in Illovo, Johannesburg, bly getrou aan die DNS van Clarins en bied ’n wye reeks behandelings vir jou lyf, gesig, hande en voete. Ek is bederf met die Relaxing Massage (R650 vir 60 minute). Die terapeut het my lyf sagkens gestrek en masseer met ’n aromatiese olie. Dit was nie bloot ’n massering nie, maar ’n ervaring en ’n fees vir my sintuie.
Tydens die Kers- en vakansieseisoen is die glansryke J’adore Eau de Parfum van die skoonheidshuis Dior in ’n groter bottel beskikbaar. Dié ligte blomgeur is al vir meer as
15 jaar ’n gunsteling onder baie vroue en die unieke bottel, met sy fyn goue nek, bly een van die
mooiste ontwerpe in die parfuumwêreld. Sowaar ’n reuse-bederf! Dior J’adore
(R2 420 vir 150 ml EDP) Melanosiete is selle in die epidermis van jou kopvel wat jou hare se kleurpigment vervaardig. Weens eksterne faktore en veroudering raak dié selle minder doeltreffend totdat dit later geen kleurpigment meer vervaardig nie en jou hare grys word. Jou hare is dan dikwels
ook growwer en brosser. Kérastase Densifique Sérum Jeunesse Hair Youth Serum (R900) bevat antioksidante wat dié melanosiete beskerm sodat dit langer kleurpigment vorm.
Dit bevat ook bestanddele wat die digtheid van jou hare
verbeter en dit glansend en soepel laat lyk. Masseer die serum in jou kopvel nadat jy jou hare gewas het. By uitsoeksalonne. Oor naweke is jy nie altyd lus om ’n klomp velsorgprodukte te gebruik nie. Gelukkig het jou vel op ’n Saterdag en Sondag niks meer as Chanel Le Weekend De Chanel nodig nie. Glikoliese suur in dié bevogtigende room skilfer jou vel liggies af en rooswater kalmeer dit. ’n Nuwe weergawe spesiaal vir ’n sensitiewe vel is ook nou beskikbaar: Wend Chanel Le Weekend de Chanel Édition Douce (R1 405) naweke soggens en saans aan jou gesig en nek.