3 BEETSMAKE
Sout beet Asyn-beet Soet beet
Verhit oond tot 180 °C. Plaas heel bete op oondroosterplaat en bedek heeltemal met growwe sout. Bak vir 2 uur. Breek sout oop, haal beet uit en skil. Plaas geskilde beet op slaaibord en sprinkel olyfolie, swartpeper en 100 g parmesaan-skaafsels oor.
Sit voor. Kook 12 bete tot gaar, skil en rasper grof. Bring 500 ml wit asyn, 400 g (500 ml) suiker, 500 ml water en 20 ml heel komyn tot kookpunt en gooi gerasperde beet by. Laat kook vir 5 minute. Skep beet in skoon glasflesse en vul tot bo met vuurwarm asynmengsel. Seël met deksel en laat afkoel. Jy kan dit tot 2 weke in die yskas hou. Verhit oond tot 180 °C. Rasper 2 groot ongeskilde rou bete fyn. Gebruik sjokoladekoekmengsel uit ’n boks en maak deeg aan volgens aanwysings. Voeg beet by beslag en verdeel mengsel tussen 12 holtes van ’n standaard-kolwyntjiepan. Bak vir 15 – 20 minute. Laat koel af
en versier met roomkaas.
2 repe denim van 1,5 x 3 m elk 12 m tou 4 metaalogies
Stik die denimrepe aanmekaar om ’n groot vierkant te vorm. Slaan ’n metaalogie in elke hoek van die vierkant. Sny 4 stukke tou van 3 m lank elk, heg dit aan die hoeke en anker dit bo jou tafel om ’n afdak te vorm.
250 g-pak opgekapte spek 225 g chorizo-wors, fyngesny 500 g gesoute botter
Verhit braaipan tot warm en droogbraai spek en wors tot goudbruin en bros, sowat 5 – 8 minute. Plaas botter in elektriese menger en klits tot sagte mengsel. Voeg gebraaide vleis by en meng met ’n houtlepel deur. Voer ’n 20 x 15 cm-broodpan met kleefplastiek uit en skep bottermengsel in pan. Smeer gelyk en plaas in yskas vir 2 uur of tot gestol. Keer uit en sit voor met brood.
600 ml water 1 x 10 g-sakkie kitsgis 1 kg koekmeel + 10 g sout
Plaas water, sout en gis in ’n mengbak en meng goed. Voeg meel geleidelik by terwyl jy met ’n houtlepel roer totdat ’n stywe, kniebare deeg vorm. Voeg ekstra meel by as deeg te nat is. Knie sowat 10 minute op ’n meelbestrooide werkvlak tot ’n gladde, elastiese deeg. Verdeel deeg in twee en rol in stywe deegballe. Smeer twee ronde yskasbestande bakke van sowat 25 cm in deursnee met olyfolie. Plaas deegballe in bakke en laat rys oornag in yskas. Verhit oond tot 180 °C. Haal deeg uit yskas en laat staan in bakke vir 15 minute. Spuit twee bakplate goed met kleefwerende kossproei en keer deeg op plate uit. Bak vir 25 – 30 minute of tot goudbruin en bros. Sit louwarm voor.
400 g bevrore frambose 200 ml wit rum 6 lemmetjies, gehalveer + kruisement (opsioneel)
Plaas frambose in voedselverwerker en gooi rum by. Druk sap van lemmetjies uit en voeg by framboosmengsel. Voeg paar takkies kruisement by as jy wil en pols by hoë spoed tot gladde mengsel. Verdeel in glase en sit voor.
350 g donkersjokolade 1 blik kondensmelk 375 g vars bessies van jou keuse
Breek sjokolade in stukke en plaas saam met kondensmelk in ’n groot glasbak. Verhit in mikrogolfoond en roer elke 20 sekondes tot mengsel glad is. As dit lyk of die mengsel gaan skif, gooi ’n klein bietjie melk by en meng tot glad. Gooi mengsel in 25 cm-losboompan wat met kleefplastiek uitgevoer is. Laat stol in yskas vir 2 uur. Sit voor met bessies.
2 x 700 g forelfilette sap en skil van 2 suurlemoene 30 g sagte kruie (vinkel, pietersielie en koljander), fyngekap + sout en varsgemaalde swartpeper
Verhit oond tot 180 °C. Plaas forelfilette in oondroosterpan. Sprinkel sap en skil van suurlemoen oor. Geur goed met sout en peper. Sprinkel gekapte kruie oor. Bedek pan en rooster toe in oond vir 10 minute. Maak pan oop en rooster ’n verdere 15 minute of tot vis gaar is. Sit warm voor met beetslaai.
12 klein baba-bete (geel) 150 ml olyfolie 50 ml korrelmosterd + sout en varsgemaalde swartpeper
Gebruik mandoliensnyer en sny beet in papierdun ringe. Hou in yswater terwyl jy res van slaai berei. Meng olyfolie en korrelmosterd in groot mengbak met draadklitser. Dreineer gesnyde beet en voeg by mosterdmengsel. Geur goed met sout en peper en meng deur. Sit voor met die gebakte forel en brood.